Yousef ElAdawyمن حوالي سنة كان تم الاعلان عن اللعبة ديه وكان في كذا مقابلة مع المطورين وإيه اللي عايزين يقدموا في اللعبة ديه الأمر كان عادي و قولت اصبر وأشوف اللي جي وهل ديه لعبة زي لعب Telltale ولا هتقدم حاجة مختلفة لحد الاعلان اللي نزل في ديسمبر, أول ما شوفت العرض ده كنت حاسس إن اللعبة ديه هتبقى تحفة فنية جديدة , وكان عندي ثقة فيها وإنها هتقدم تجربة مختلفة عن The Walking Dead أو Heavy Rain أو Beyond 2 Souls. وبالفعل ده حصل وهتعرفوا ليه.
أول حاجة اللعبة بتركز جدا على الواقع الحالي لدرجة إن إنت طول الحلقة عايز تفضل في العالم ده تستكشف في أكتر وتتعرف على الشخصيات الجميلة جدا اللي في العالم ده , اللي فعلا معمولة بشكل رائع جدا واهتمام جميل جدا في التفاصيل.
الأداء الصوتي ممتاز جدا بعيدا عن المشكلة اللي للأسف موجودة في Lip Sync بتاع شخصيات, طول اللعبة هتحس إنك ماسك Controller بتاعك وعمال تتحرك بخفة وتتمتع بكل حاجة حواليك, أنا فعلا كنت مندمج جدا في العالم وكل اللي كنت بعمله إني بمشي Max وأعمل اختياراتي بس فكرة إنك بتحس إنك بتفرج على فيلم جميل جدا وأنت بس كل اللي بتعمله إنك بتحط لمسات أو تعديلات عالقصة. ممكن يكون ده بسبب جمال و الاهتمام بالعالم اللي حواليك أو بسبب شخصية Max ذات نفسها أو كلام اللي بيتقال بيحسسك إنك فعلا في High School مهما كان أنت في ثانوية عامة هنا في مصر أو عايش برة ” You Will Always Relate ” دايما هتفهم دايما هيبقى في الاتصال بالواقع جدا حاجة حقيقة حاجة حصلتلك اللعبة بتجسدها بشكل ممتاز.
Max هي فعلا شخصية جميلة جدا و ممتازة مفيش أي نوع من “الافورة” فيها, هي شخصية بسيطة جدا بتعمل تقريبا معظم الحاجات اللي احنا بنعملها في يومنا العادي, نفتح الموبيل نشوف فيه إيه نكلم ده مش عارف ناخد صورة وهكذا حاجات بسيطة وعادية جدا و ده سر قوة الشخصية ديه. ولازم هتفكرك بحد إنت تعرفه في حياتك أو هتفكرك بنفسك.
اهم حاجة نقدر نتكلم عنها هنا هي القرارات طبعا حسب العروض اللي نزلت للعبة فـ كلنا عارفين إن Max بتقدر تتحكم بالوقت أو بمعنى اصح بتقدر ترجع بالزمن, المهم في قرارات في اللعبة ديه تأثيرها على المدى البعيد جدا ممكن عالحلقة القادمة كمان, في اختيارات تأثيرها بسيط جدا وفي تأثيرها قوي جدا جدا بس مش لازم يحصل في ساعتها.
قدرة Max هنا بتلعب دور ضخم افرض عملت قرار مش مريحك أو مش عاجبك؟ تقدر ترجع بالزمن وتغيره, في ناس هتقولك إيه ده إيه كلام ده غلط منا كده ممكن عزبة كل حاجة وتمشي Perfect والدنيا تبقى ورد اقوله النظام ده معمول بسلاسة و ممتاز جدا, اللعبة دايما هتحطك في حيرة لما تيجي تختار قرار و لما تيجي تعكسه هتلاقي Max بتفكر طب لو عملت ده كان حصل إيه وأنت عايز برضه كده تقوم مجرب كده وتلاقي Max بتقول طب لو حصل كذا وتفضل أنت في حيرة ضخمة جدا. حيرة من الامر ممتعة جدا ومشوقة جدا ومش بتبوظ أي حاجة أنت بتوصل لقرارات شخصية قوية جدا و في الحالتين صعب إنك تتحكم فيهم لأن كل واحد ليه ايجابياته وسلبياته. غير إنك بتقدر ساعات تكتسب معلومات وترجع بالزمن وتستخدم المعلومات. حاجة احنا كلنا بنحلم بامتلاكها.
في الغاز في اللعبة هتحلها عن طريق قدرتها و الغاز بسيطة وممتعة, وطبعا القدرة ليها حدودها يعني إنت تقدر ترجع بالزمن مع كل قرار, يعني مش تعمل قرارين وترجع للأول لأ طبعا, مع كل قرار تقدر ترجع وتختار حاجة بداله.
حتى الآن قوة Max غامضة جدا والشخصية ذات نفسها بتحاول تفهمها و ده فعلا اللي مخليني شخصيا عايز أشوف إيه اللي هتقدم الحلقة القادمة.
الفكرة كلها إن اللعبة بتحطك في حاجة واحدة أنت دايما بتبقى فاكر إنك لو عملت حاجة غير اللي عملتها الدنيا هتبقى سهلة ولكن ده مش صح خالص و هتاخد بالك من كده كتير إنك ترجع وتغير تصرفاتك مش دايما صح و ده اللعبة بتقدم اثباتات ليه.
الموسيقى في اللعبة ديه من أحسن الحاجات فعلا, توافق الموسيقى مع كل حاجة بتحصل ممتازة بطريقة مش طبيعية, و إن يبقى في تواجد لـ فرقة Syd Matters, Mogwai, و Angus and Julia Stone و تواجد مزيكا Indie folk بشكل عام في اللعبة, يأكدلك إن فعلا المطورين اللي اشتغلوا على اللعبة ديه قدروا انهم فعلا يظبطوا كل حاجة في اللعبة, قدروا انهم فعلا يظبطوا جو اللعبة بإستخدام المزيكا ديه و يخلوا الجو ممتاز ومتوافق مع كل حاجة في قصة وعالم اللعبة.
اختيار الموسيقى تم بالتعاون مع Jonathan Morali وهو من فرقة Syd Matters.
الرسومات في اللعبة ديه فوق الرائعة وجميلة جدا, هي طبعا فيها احساس إنها Indie لأن اللعبة فعلا Indie مش AAA, عالم اللعبة جميل جدا ومليء بالتفاصيل وحي جدا. في حاجات كتير جدا Max هتتفاعل معاها في اللعبة, وفعلا في اللعبة الامر ممتع جدا إنك تتعامل مع كل الشخصيات و Posters مثلا اللي في اللعبة لانها بتعرفك أكتر على اللعبة, كل تفصيلة مهمة جدا. أنت مش بس بتعلم وعمال تدوس زراير وخلاص أنت فعلا بتستمتع بكدة وبتعرف أكتر بكتير وتعليقات Max بتبقى ممتعة جدا. في لعب كتير بتحاول تعرفك أكتر على تاريخ وأساس اللعبة والمكان اللي إنت فيه بطرق ممكن تبقى مستفزة جدا, ولكن العكس هنا في Life is Strange اللعبة بتقدملك معلومات عن كل حاجة فيها بطريقة بسيطة و جيدة جدا.
الاحساس الفني في اللعبة رائع جدا, إنت فعلا وأنت ماشي بتقدر كل حاجة حوليك و بتوقف تتفرج وتتمتع بالبساطة والجمال اللي حواليك وإنها فعلا بتتوافق مع اسلوب اللعبة.
من وجهة نظري اللعبة ديه مع الحلقات قادمة هتطور جدا وهتبقى من أحسن اللعب السنة دي, و مطوري اللعبة Dontnod أنا متأكد انهم هيوضحوا قوة اللعبة ديه في الحلقة القادمة واحنا متجهين لأيه فيه قصة اللعبة و أساس قوة Max. الحلقة الاولى فعلا كمقدمة فهي قوية جدا جدا وبتوعد بحاجات كتير وممتعة, ممكن يبقى المشكلة أو القلق البسيط هو إزاي اللعبة هتطور في الحلقات قادمة و تبقى Original أكتر عن اللعب التانية اللي بتقدم حاجة زي Life is Strange لعب زي The Walking Dead وكده, بس الاهتمام الرائع بالمشاكل اللي في الواقع بتاعنا المشاكل الواقعية بشكل عام شيء مبشر و رائع جدا. الحلقة الاولى كويسة جدا جدا و ياريت تجربوها. أنا لعبة اللعبة على PS4 وهي متوفرة على PS3, Xbox 360, Xbox One و PC.
Khalid Ahmed
Mohamed Ibrahim
