Medshaعلى مر التاريخ, ألعاب سباق الدراجات النارية تم تقديم فيها طرق لعب مختلفة وكتير جدا. من محاكي للواقع للعب Arcade وسباقات ينفع استخدام العنف فيها و نهاجم بعض وكده, أنهي طريقة لعب Motorcylce Club بتقدمها؟ اللعبة بتقدم طريقة لعب Arcade.
الكان قدامي هو فكرة كويسة جدا ولكن تم تطويرها بطريقة غير صحيحة. الفكرة كويسة, أنت بتختار من سلسلة دراجات موجودة فعلا تخش سباق وتقدر تبدل ما بين ثلاثة أنواع من الدراجات. هتقدر تختار اتنين مرخصين رسميا من شركات عالمية وواحدة معدلة. خلال السباق خلال السباق ممكن تبدل ما بين superbikes, roadsters و دراجتك المعدلة. كل واحد من الثلاثة أنواع دول ليه خصائصه وهيسمحلك إنك تعمل مناورات خلال السباق.
مسارات السباق كل واحدة ليها خصائصها وكل نوع من الدراجات بتبقى ليها افضلية في مسار معين, في مسارات هتحتاج دراجة افضل في اللفات الضيقة, الطرق الوعرة.
الكلام ده ممكن يبقى كويس جدا وكله, ولكن الحقيقة إن اللعبة فيها مشاكل كتير. صوت الدراجات صوت سيء جدا جدا, و AI غبي جدا. لو قفلت الموسيقى اللي بتفضل تتعاد مليون مرة , هتبقى اصم في دقايق معدودة, بسبب الصوت المزعج المليء بالصراخ اللي بيطلع من العادم.ومن الافضل إنك تسيب الموسيقى شغالة مع العلم إنها مش بتساعد قوي. حتى الموسيقى للأسف مش بتلائم روح اللعبة.
AI مش بيظهر أي نوع من المنافسة, وفي معظم الأوقات هتخلص في مراكز كويسة ده لو مطلعتش أول. اللي برضه لم أحس بيه في اللعبة هو احساس السرعة. و Graphics برضه مش قد كده خالص. اللعبة المفروض كانت تفضل على أجهزة الجيل السابق.
أنا بنصح اللعبة ديه للعايز يضيع وقته أو لو إنت بتحب الألعاب الـArcade جدا.
Khalid Ahmed
