Yousef ElAdawyمن 4 سنين, THQ اعلنت عن Smackdown vs. Raw 2011, و اخيرا حصل تغير ضخم في Physics اللعبة, وكانت تعتبر من افضل اجزاء اللعبة بسبب التغيرات اللي كانت في جزء ده.
سنة ديه احنا قدامنا جزء جديد على جيل جديد و المفروض إن احنا فعلا هنشوف تغير ضخم. هل تم تقديم تغير ضخم في Gameplay و Graphics اللعبة؟
الاجابة ببساطة آه! تم تقديم تغير ضخم في Graphics اللعبة و Gameplay اللعبة, اللعبة شغالة على 1080p/60fps على PS4 و Xbox One. و ده بيدي احساس مختلف تماما عن اللي كنا بنحس بيه على 360 و ps3.
عكس نسخة PS3 و Xbox 360 اللي كانوا للاسف وحشين جدا, هتلاقي إن نسخة PS4 و Xbox One, كان عليها شغل كويس جدا, واللعبة شكلها جميل.
أول حاجة هتكلم عنها في Gameplay وهي تقريبا أحسن اضافة للعبة هي سلسلة الأحداث المتسلسلة اللي بتحصل أول ما تبدأ المباراة هي مش هتأثر على المباراة ولكن اللي يكسبها هياخد momentum boost كويس جدا, مع العلم إنك ممكن تطفي الموضوع ده.
نقطة الثانية هي سرعة المباراة, أول ماتم الاعلان على اللعبة وفي ناس في مجتمع اللعبة قالوا إن نمط المباراة بطيء ومش سريع زي زمان, طب هل ده ميزة ولا عيب؟ لو تفتكروا SvR 11 و WWE 13 و 14 إزاي اللعبة كانت سريعة جدا و في مباريات كانت بتخلص في أول 5 دقايق الموضوع ساعات كان بيبقى مستفز ولكن كان ساعات بيبقى في مباريات بتطول جامد في اللعب ديه وكانت يا تبقى ممتعة يا تبقى مملة جدا. في 2K15 الموضوع ممكن يبقى ممتاز جدا و ممكن يبقى مش قد كده, اللعبة كلها بتديك احساس إن كل ضربة بتفرق فعلا عكس الأجزاء اللي فاتت كان في ضربات لما الواحد يضربها ولا كأنها اتضربت ومكنتش بتعمل أي تأثير جامد أصلا! ولكن جزء ده الأمر واقعي أكتر اللعبة بتقدم احساس قريب للحقيقة ولكن للاسف ساعات بتخرج من الاحساس ده بسبب نظام الصد اللي هو زي اجزاء الفاتت, صد هنا ممكن يبقى اسهل لأن المباراة أبطأ, و ده يؤدي إلى إن لسة محرك اللعبة لم يتم تغيره وهم بيستخدموا بتاع Yuke’s ولكن محسن. الصد لسة بيتعمد أكتر على الحظ من الأعتماد على الحكم والتوقيت.
نظام الـStamina الجديد مش كويس قوي ومش مفيد لأن زي ما قولت نمط المباراة بطيء, فلما بتوصل للأخر المباراة ذات نفسها بتبطء أكتر, وده بسبب التعب. لكن الفكرة إن إن الموضوع ده ممكن يخلي المباراة يا حماسية جدا وتحس بعودة النشاط أول ما مثلا تكتسب Momentum أو تعمل TAG لو إنت في مباراة TAG Team هتحس إن المباراة بقت حماسية أكتر, أو ممكن يخلي المباراة مملة جدا لو Momentum كله مات.
MyCareer حصرية الجيل الجديد, أخيرًا وبعد سنين هنقدر نشوف Career Mode في WWE. في MyCareer إنت هتبدأ في اختبارات NXT وتحاول توصل لـRaw أو Smackdown ومن بعدها للـPPVs, لحد ما توصل لـWWE Championship. خلال لعبك هتخش في عدوات كتير مع مصارعين هتقابل اختبارات من The Authority. من أكتر الحاجات االلي ادت روح لـMyCareer هي إنك بتلعب مباريات خارج القصة/storyline المحددة عليك وتلعب Dark matches. لكن للأسف في عيب قاتل هو كمية الاعادة اللي بتفضل تعيدها في MyCareer كمية حشو ملهاش أي لازمة. ولكن من وجهة نظري الفكرة على الورق حلوة جدا ومع شوية وقت تطوير و أفكار جديدة الموضوع هيبقى ممتاز.
2K Showcase هو قريب لـ30 Years of Wrestlemania بتاع WWE 13 و Attitude Era mode بتاع 2K14, الطور ده بيركز على عدوات ضخمة زي عداوة Triple H و Shawn Michaels اللي كانت من 2002 لحد 2004 وعداوة John Cena و CM Punk اللي بدأت في 2011.
الأصوات في اللعبة كويسة ولكن مازال عيب التعليق موجود وفي كذا مرة هتحس إن المعلقين بيسبقوا أو يتأخروا عن الأحداث اللي بتحصل و تحس انهم Dull كده.
Graphics في لعبة كويسة جدا و Motion Capture و Facial Animation بقى أكتر واقعية عن أي لعبة WWE قبل كده وكل الشكر طبعا لـVisual Concept و الاضاءة كويسة جدا, ولكن مستوى الـGraphics ماوصلش لـNBA 2K15 و برضه اللي اشتغل عليها كان Visual Concept. و برضه للأسف لم يتم تحسين شكل الجماهير, واللعبة لسة اخرها 6 مصارعين في حلبة بس مش 8 مصارعين.
أكتر حاجة مؤسفة في اللعبة هي كمية Game Modes اللي مش موجودة, والنقص العجيب في عدد Roster اللعبة. نقص في مصارعين NXT و Divas, وهل ده هينزل في الاخر كإDLC مثلا؟ وتقليل عدد الميزات اللي موجودة في Creation Suite, إنت لسة ممكن تعمل مصارع ولكن المرة ديه راجل بس و اضعف بكتير من زمان, و ماينفعش تعمل قصتك إنت, حلبات المصارعة, أو أحزمة.
اهم حاجة هي نقص Game Modes كتير, و 2k حتى الآن لم تعلق على الموضوع ده, إيه السبب و هل برضه هيبقى في DLC للحاجات ديه ولا إيه بالظبط؟ ولكن التسفير المنطقي هو إن فترة التطوير كانت قصيرة. و ده واضح جدا في اللعبة. اللعبة كانت عايزة وقت أكتر, عشان Visual Concept و Yuke’s يكملوا شغل وكنا هنشوف حاجات كتير جدا جديدة ولكن للاسف احنا قدام لعبة رياضية فبقى حاجة اعتيادية إن تنزل لعبة رياضية سنة بتغيرات ضخمة, و سنتين ولا تلاتة بتغيرات طفيفة. أنا مش بقول إن 2K15 مفهاش تغيرات ضخمة فعلا ولكن القصد إن كل الناقص في لعبة ديه هنشوفوا امتى؟
اللعبة للاسف فيها نقص كتير لحاجات كانت موجودة على أجهزة الجيل السابق, و ده زي ما قولت يرجع للجدول الزمني و مواعيد الاصدار الضيقة جدا بتاعت الألعاب الرياضية. ولكن عكس لعب كتير ديه بداية كويسة نوعا ماعلى الجيل الجديد, و احنا ممكن نقول إن WWE 2K16 القادمة هتبقى هي اللعبة اللي فيها كل حاجة احنا عايزين نشوفها في لعبة مصارعة.
Mohamed Ibrahim
