تسريب فيديو لمشروع مطور سلسلة Metro اللي كان لعبة Shooter في اعماق المحيطات

الناشر THQ قبل افلاسه كان في لعبة هيقوم بنشرها اسمها Deep6 لعبة بتحكي عن مصير الارض بعد غزو فضائي و تعرض كل المدن علي سطح الارض للغرق.

طبعا مصير الناشر اللي انتهي بافلاسه خلي المشروع ميشوفش النور و المطور اللي كان شغال علي اللعبة هو 4A games مطور العاب زي Metro 2033 و Metro Last Light و المشروع متطورش منه كتير و ظهر فقط مجموعة رسومات فنية.

و مؤخرا قناة علي youtube اسمها BananaSwag بيترفع من خلالها فيديوهات مسربة لاول مراحة تطوير العاب, سرب فيديو لاول نموذج تطوير للعبة.

الفيديو كان فيها مشاكل مختلفة ترجع تقريبا لان دي اول مرحلة من مراحل تطوير اللعبة و حسب كلام صاحب القناة ان الفيديو كان علي عدة تطوير خاصة بالـXbox 360.

https://youtu.be/j2UaY8Rd7Do