رفع قضية علي سوني بسبب حقيقة الـresolution الخاص بـKillzone: Shadow Fall

في تقرير علي موقع Polygon في قضية اترفعت علي Sony بخصوص انها عملت دعاية مضللة للعبة Killzone: Shadow Fall.

المفروض ان اللعبة شغالة 1080p لكن Edelson PC اللي رافعين القضية بيقولوا ان دا مش الـresolution الحقيقي الخاص باللعبة و انت بيتم استخدام تقنية اسمها temporal reprojection عشان يوصلوا اللعبة للمستوي دا.

القضية المفروض هينتج عنها تعويض بقيمة 5 مليون دولار لو ثبت ان Sony بالفعل ضللت الناس و جدير بالذكر ان Edelson PC برضوا رافعين قضية علي Gearbox بسبب الدعاية المضللة للعبة Aliens: Colonial Marines.