التحديثات الجديدة للعبة Battlefield 4

من شهر تقريبا DICE اعلنو عن بداية استخدام سيرفيرات CTE عشان يصلحو مشاكل اللعبة الكتيرة.

في الفترة اللي فاتت اتصلحت مشاكل الـNetcode بنسبة 65% , النهاردة من خلال البلوج الخاص باللعبة تم الاعلان عن التعديلات اللي هتم في الفترة اللي جاية و اللي هتشمل :

تحسين الـNetcode:

مشكلة الـNetcode هي اهم مشكلة في اللعبة و مرتبطة باستجابة اللعبة مع كل فعل انت بتعملو , الاستيديو قال انهم مش هيكتفو بالتصليحات اللي تمت في الفترة اللي فاتت و هيتم التركيز علي حل مشاكل الموت من ورا الحوائط و عدم ظهور الـHitmarker

تحسين الجيمبلاي:

مشاكل موجودة في الجيمبلاي بالتحديد الاستيديو هيصلحها و بالتحديد المشاكل دي مرتبطة بالـDLC الاخير Dragon Teeth.

هيتم زبط الضرر الناجم عن الـRiot Shield و مش هينفع انك تموت اي حد من ضربة واحدة و قذيفة دبابة واحدة تقدر تموت اي حد ماسك الـShield.

تحسين Rush:

الاستيديو في الوقت الحالي بيدرس تعديلات علي game mode زي Rush و بالتحديد في خرايط زي Siege of Shanghai, Zavod 311 و Operation Locker.

التعديلات قايمة علي اضافة توازن و سلاسة في الـgamemode اكتر من الاول و خاصة علي الفريق اللي بيهاجم.

التعديلات اللي هتم اضافتها بشكل نهائي هي ازالة الـCommander Mode  و هيتم تغيير بعض اماكن الـMCOM.

التحديث هيضيف برضو كمية تعديلات و تحسينات زي اضافة توازن للاسلحة و زبط الـSuppression و الـVisual Recoil.