Khalid Ahmedممكن تكون Destiny اكتر لعبة مثيرة للجدل بسبب بعض التفاصيل الخاصة بتصميم اللعبة , و اللي احنا اتفقنا مع جزء كبييير جدا منها في مراجعة اللعبة.
لكن Bungie في اخر مقالة علي موقعهم ادركوا ان بالفعل في مشاكل في اللعبة لابد ان يتم حلها و بدأوا اولا بالكلام عن الاسلحة و الملابس اللي بتقعلك او زي ما هو معروف بالـLoot.
اولا هما جابو سيرة الكهف اللي تم استغلاله في الايام اللي فاتت في عمليات الـFarming و تجميع Items نادرة و قالوا انهم في تحديث سريع ضمن القضاء علي فكرة استغلال الكهف دا بمضاعفة وقت ظهور الوحوش فيه من 6 ثواني لـ40 ثانية. و قالوا انهم مش عاوزين اللعبة تقلب ان الناس تفضل مترصصة ادام كهف مضلم بتضرب نار علي اي حاجة جواه.
و كمان اكدوا انهم عارفين ان الناس بتعمل كده بسبب عشوائية نظام الـLoot في اللعبة و اللي قايم علي ان واحد من شخصيات الـTower المعروف بـCryptarch اللي بيقوم بعملية فك تشفير الـEngrams اللي بتقع للناس , و قالو معلومة غريبة ان في وسط عملية التطوير في اول السنة دي كان المفروض تم برمجة الـCryptarch علي انه يدي الناس اسلحة او لبس بنفس درجة الندرة الخاصة بالـEngram بس قرروا انها تبقي عشوائية و متخيلوش ان عشوائية دي هتتسبب في حالة ازعاج للناس بالشكل ده.
لذلك وعدوا بانهم في اقرب وقت هيضمنوا تغييرات للـLoot System يحسن بشكل كبير مستواه.
و وعدوا برضوا بضمان وجود نظام محادثات في اللعبة سواء كنت بتلعب Strikes او PVP او في اي نشاط بتخشه عن طريق الـMatchmaking و اضافة تعديلات علي مستوي الصعوبة في الـStrikes.
و اخيرا اضافة توازن لبعض الاسلحة , اولا هما شايفين ان الاسلحة الـExotic من الضروري تبقي اقوي مما هي عليه حاليا لان في اسلحة اقل منها و اقوي. و اسلحة زي الـAuto Rifles هتم تقليل مداها عشان تبقي اسلحة متخصصة في المسافات القصيرة.
و الـScout Rifles هيتم مضاعفة مداها و قوتها و الـShotguns هيتم تقليل قوتها.
شخصيا انا شايف ان نوعا ما في خطوات صح لحد دلوقتي لكن اللعبة لسة محتاجة الكتير و خصوصا في عملية التوازن في الـPVP , قدرات كتيرة و اسلحة زي ال Fusion Rifle محتاجة قدر كبير من التعديل بالاضافة لتحسين جودة الاتصال في اللعبة اساسا.
اللعبة كان ناقصها كتير بس لسة في مجال لاضافة ما هو احسن , و لو عاوزين تتعرفوا علي راينا بالتفصيل عن كافة جوانب اللعبة شوفوا المراجعة الخاصة بيها.
Mohamed Ibrahim
Yousef ElAdawy
