Yousef ElAdawyسؤال عايز اسأله قبل ما نبدأ مراجعة اللعبة, هل أنت كـ لاعب تعرف Dynasty Warriors؟ هل إنت من محبي اللعبة ديه؟ لو تعرفها أو من محبيها فـDragon Quest Heroes هي لعبة مليئة بعناصر في Gameplay كتير من سلسلة Dynasty Warriors في عالم الـRPG الخاص باللعبة الرائع.
Dragon Quest هي سلسلة من اللعب الـRPG, السلسلة ديه من تأسيس Square Enix وكانت بدأت في سنة 1986 على الـNES. اللعبة مليئة بالوحوش والأبطال اللي تم تصميمهم من Akira Toriyama *مؤسس سلسلة Dragon Ball* اللعبة ديه تم تطويرها من ستوديو Omega Force, اللي طبعا معروف بسلسلة Dynasty Warriros.
قصة اللعبة الأساسية بسيطة جدا. البشر والوحوش بيعيشوا مع بعض بسلام لحد ما ساحر شرير بيظهر. الساحر ده هيلقي تعويذة على الوحوش ومعظمهم هيقلب لشرير. اللاعبين هيبدأوا مغامرة ضد الشر عشان ينقذوا العالم.
Gameplay اللعبة معقد شوية عن قصة, وديه حاجة كويسة جدا! كلاعب, هيبقى عندك فرصة إنك تختار الشخصية الأساسية ليك. الشخصية ديه هتبقى القائد الخاص بمجموعة من 4 شخصيات. طبعا أنت ممكن تبدل ما بين الأربع شخصيات دول وسط المعركة وكل ده هيخليك مع الوقت تبني الستراتيجية بتاعتك ضد أعدائك وتحسنها. اللعبة بتقدم أكتر من أربع شخصيات عشان تختار منهم, فخد بالك وإنت بتختار واختار حسب الستراتيجية بتاعتك أنت. كل شخصية ليه الهجوم و القدرات الخاصة بيه و كل ده ممكن يتم تحسينه عن طريق إنك تعلى في المستوى الخاص بالشخصية.
كل الشخصيات ليها Light و Heavy Attack و ده بيسمح إن يبقى في Combos قوية جدا خلال المعارك. الشخصيات برضه ليها حركاتها الخاصة. المعارك كلها في وقت حقيقي و بيئة مفتوحة بمعنى إن مش ملزوم منك تبقى في مكان معين خلال المعركة, خلالها بتقدر تتحرك في الـSandbox اللي أنت فيه كله. ممكن تصطاد وحوش في كل معركة وتستخدمهم زي Minions كده للدفاع عن كذا نقطة ستراتيجية في الخريطة. في رقم محدود من الـMinions ممكن تستخدمه, ولكن ده بيعتمد على حجم الـSlots اللي متوفر ليك خلال الـGame.
خطتك و ستراتيجيتك مهمة جدا خلال المعركة. في معظم الوقت بتبقى عبارة عن الدفاع عن نقطة معينة في الخريطة. في حاجات بتبقى محتاج إنك تدافع عنها. بيبقى في كذا طريق للوصول للحاجة اللي بيتم الدفاع عنها ديه, فلازم تبقى منظم دفاعك وهجومك. نصحية مني: في معظم الوقت حط Minion قوي في المكان أو الحاجة اللي هتدافع عنها و أكتشف الخريطة إنت بنفسك.
نموذج اللعب الخاص بـDynasty Warriors اشتغل بشكل رائع جدا في Dragon Quest. الاضافات الجديدة للـGameplay شغالة بأمتياز و نمط Gameplay جيد جدا. اللعبة كويسة جدا للمبتدئين. عناصر الـHack n Slash اللي في اللعبة مش سريعة زي لعب تانية زي God of War مثلا, ولكن ديه مش مشكلة.
Mohamed Ibrahim
