Yousef ElAdawyDying Light هتنزل على PC, PS4 و Xbox One أي حاجة غير كده تم الغاءها.
TechLand مطوري Dead Island اعلنوا عن الغاء نسخة الجيل السابق من Dying Light, عشان الأجهزة مش قوية بما فيه الكفاية عشان تشغل اللعبة.
“بعد تجارب كتيرة داخل الستوديو, وصلنا إن احنا مفيش حل الا الغاء اللعبة على أجهزة الجيل السابق وننزل اللعبة على أجهزة الجيل الحالي و PC فقط.”
“أجهزة الجيل السابق, للاسف مش قادرة إنها تشغل اللعبة.”
“وعشان نضمن افضل تجربة للعبة فإحنا هنزل اللعبة على أقوى 3 أجهزة في السوق. والشكر طبعا للأجهزة ديه هتقدر تلعب افضل وأحسن تجربة على أي جهاز تحب تلعب عليه من التلاتة دول.”
إيه سبب إن اللعبة متشتغلش على أجهزة الجيل السابق؟
TechLand قالوا التالي “على سبيل المثال, بيبقى في حوالي 200 ألف جسم باين في اللعبة في مرة واحدة.” “حط على ده تكنولوجية الاضاءة الواقعية وكده هتبدأ تختبر قوة أجهزة الجيل الحالي للحد الأقصى.”
“حاجات زي ديه, وحركة اللاعب, حركة الطبيعة, نظام تطوير الشخصية, والعالم المفتوح – كلهم جزء ضخم في إزاي اللعبة هتشتغل. وجمع كل ده هيحتاج جهاز متطور وقوي جدا.”
Dying Light هتنزل في يناير 2015.
Mohamed Ibrahim
