Yousef ElAdawyGTA Online هو الشيء اللي ليه أولوية في Rockstar Games, و ده للأسف هيأثر على اضافة القصة المنتظرة بشدة, وكمان منتوقعش أي Heists جديدة قريب خالص.
Rockstar أكدت إن GTA Online هو اهم حاجة في الستوديو حاليا وده بسبب إن أكتر من 8 مليون لاعب بيدخلوا Online كل أسبوع, وده بيقترح إن اضافة القصة مش هتنزل في أي وقت قريب ده لو فيه اضافة من أساسه.
كل المطورين اللي اشتغلوا على GTA 5 شغالين حاليا على GTA Online.
حاليا تركيزنا كله على GTA Online اللي عدت كل توقعاتنا.
Imran Sarwar مدير التصميم قال كده في مقابلة مع IGN لما تم سؤاله هل في اضافة للقصة تحت التطوير ولا لأ.
احنا حاليا عندنا اهم ناس في الستوديو اللي شاركوا في تطوير واطلاق Grand Theft Auto V شغالين على دعم GTA Online بكل الطرق الممكنة.
Rockstar كانت وعدت في 2014 عن اضافة للقصة وإنها كانت هتبقى مميزة. ولكن من ساعتها مفيش حاجة خالص عن الاضافة ديه.
حاليا التركيز على GTA Online, ولكن ده ميخليش حد يتوقع أي Heists جديدة قريب.
ولكن بدل ذلك, مطوري Rockstar شغالين على تجارب جديدة, بعد ما الـHeists اثبتت صعوبة تطويرها على عكس المتوقع.
Heists حققت نجاح ساحق, وشجعت على إن اللاعبين يلعبوا مع بعض كفريق. ولكن, احنا قولنا قبل كده تطوير حاجة زي ديه كان صعب جدا على عكس ما كان متوقع, واحتاجت أكتر من محاولة عشان نلاقي التصميم المناسب اللي هيظبط. احنا بنعتقد ونأمل إنها كانت تجربة ممتازة لكل اللي لعبوها.
حاليا احنا في أفكار شغالين عليها لـGTA Online وهنعلن عن حاجات جديدة قريب.
واحدة من الأفكار ديه هي اضافة Freemode Events اللي هتنزل بكرة على PS4, Xbox One و PC.
Mohamed Ibrahim
