Omar el Faroukالمنطق بيقول إن لو جهازك جديد فهو اقوى من القديم ويقدر يشغل اللي القديم بيشغلوا بس هل المنطق ده بينطبق على حالة PS4 و Ps3؟ لأ
طب إزاي وهو بينطبق على Xbox ONE وXbox 360 ؟
هنا الفكرة تكمن في أحشاء الأجهزة ديه لأن في تشابه مابين Xbox 360 و Xbox one وفي نفس الوقت الإتنين تم بنائهم على architecture Power PC فمن السهل إن إنت تشغل العاب 360 على الـOne و لكن جهاز PS3 كان مبني على تكنولوجيا عالية ولكن مختلفة عن الكلام ده بتعتمد علي Cell Processor و Synergistic Processing Unit وده السبب وراء إن المطورين التابعين لـSony كانوا بيطلعوا عليه شغل اعلي من المطورين العاديين لأنهم مش بس كان عندهم المصادر ده كمان كان فاهمين يتم التعامل مع الجهاز ده إزاي. زي Naughty Dog و إزاي اتعاملوا مع PS3 و استغلوا كل نقطة قوة في جهاز.
وبسبب اختلاف الجهاز ده مموضوع Backward Compatibility صعبة ولكن ممكن Sony تلاقي حل من خلال Playstation Now انه لو تقدر تثبت من خلال النسخة الـDigital أو إنك تحط الـBluRay جوه الجهاز يسمحلك تلعب اللعبة ببلاش والحل ده مفهوش ضرر على Sony أو على اللاعب لأن من الصعب جدا واحد كان بالفعل اشترى اللعبة على PS3 هيدفع فلوس عشان يلعبها على PS4 بالتالي لو Sony طبقت الحل ده مش هتخسر فلوس و مش هيبقى الفرق مابينها وبين Microsoft كبير.
المشكلة إن احنا دلوقتي في مرحلة جس النبض Sony عايزة تشوف الموضوع هيأثر على مابيعتهم ولا لأ ؟ وطبعا الكلام ده كله ممكن يطلع بطاطس لو عباقرة Sony وجدوا حل للمشكلة.
Mohamed Ibrahim
