Khalid Ahmedحساب الـTwitter الخاص بـMetal Gear Online امبارح عمل زي جلسة اسئلة و اجوبة للمتابعين و من خلالها وضح معلومات كتير عن الـgame mode:
- اللعبة هتحتوي علي اضافات شكلية مع اللعبة زي اضافة Metal Gear REX helmet اللي هتكون مع النسخ الخاصة من اللعبة
- اللعبة من المعروف ان ممكن نلعب بشخصيات اساسية من القصة زي Snake او Ocelot و تم التاكيد علي وجود شخصيات هيتم اضافتهم اكتر مع الوقت و هيتم النظر لمقترحات الناس
- تأثير الجاذبية علي الاسلحة هيكون موجود زي ما هو في القصة لكن بشكل مختلف عشان يناسب طبيعة الـMultiplayer
- اللعبة هيكون فيها نظام Level Up و فتح اسلحة جديد و وعدوا بالاعلان عن تفاصيله قريب
- شخصية اللعبة هتكون مختلفة عن باقي الالعاب مفيش افكار منقولة من العاب تنافسية تانية بالاضافة ان اللعبة في هدف اثناء تطويرها تبقي سهل ان اي شخص يبتدي يلعبها و ترضي المحترفين برضو
- اللعبة هيكون فيها خرايط كبيرة تسمح لاستخدام الـSnipers
- مش هيكون في اي دعم للـMotion Controls زي Playstation Move
- شهر مايو المفروض ان هيكون في معلومات جديدة و كتيرة عن اللعبة
دي كانت كل المعلومات اللي تم التأكيد عليها و المفروض ان Metal Gear Online هيكون دا الـMultiplayer Mode بتاع Metal Gear Solid 5 The Phantom pain و اللي هتنزل يوم 1 سبتمبر 2015 علي Xbox one , Xbox 360 ,Playstation 4 , Playstation 3 و PC
Mohamed Ibrahim
