توضيح من Konami بخصوص وضع بعض مميزات Metal Gear Solid 5 ورا دفع مبالغ مادية اضافية

واحدة من مميزات Metal Gear Solid 5: The Phantom Pain هي الـForward Operation bases اللي هي القواعد الفرعية اللي بتبنيها عشان تجيبلك موراد تقدر تطور بيها القاعدة الام و القواعد دي ممكن اي شخص يخترقها و يسرق الموارد الخاصة بيك لو فتحت الميزة دي.

وجود الـMicrotransactions في اللعبة هي معلومة عرفناها قبل كده لكن اشاعة ظهرت مؤخرا علت شكوك الناس اكتر, و الاشاعة ان الـFOB’s هتكون بتطلب دفعك لمبلغ مادي اضافي عشان تلعبها و دا حسب تقرير نشره موقع Gamespot.

لكن رد Konami كان الـFOB’s هتكون متاحة للعبة بشكل كامل يوم نزول اللعبة بدون دفع اي مبالغ اضافية الـMicrotransactions بالفعل موجودة و هي اختيارية و مش بتأثر علي اسلوب اللعب حسب تصريح Konami و في عملة في اللعبة اسمها MB coins ممكن من خلالها تشتري اللي انت عاوزه بس مفيش تفاصيل هل حصولك علي الـcoins دي سريع ولا لأ.

Metal Gear Solid 5: The Phantom Pain هتنزل بعد اسبوع بالتحديد علي PC, PlayStation 3, PS4, Xbox 360, Xbox One و اللعبة حاليا اخدت تقيمات ايجابية جدا بمعدل 95:100 علي Metacritic.