تصريحات مخرج God of War عن التغييرات الجذرية في الجزء الجديد من السلسلة

مما لا شك فيه ان عنوان Sony الاكثر جدلاً في E3 الاخير هو God Of War و الي كان البدايه بيه من احسن بدايات المؤتمرات, و لكن من العرض وضح جداً ان الجزء ده بالذات هيختلف كثيراً عن الاجزاء القديمة  و ان كان Cory Barlog من فتره في مقابله قرر انه يفصح او يلمح لحاجات من التغيرات الي الناس مشافتهاش و ان في حاجه كبيره بتطور فالطريق.

في مقابله مع EPNdotTV صرح Cory Barlog مخرج اللعبه لما اتسأل عن التغيرات الجذريه الي حصلت في God Of War قال Barlog ان هم حبو يكبروا عالم God Of War و يظهرو جانب مختلف من شخصيه Kratos , و عرض الـE3 تعمدوا يختاروا الجزء ده عشان يشوفو رد فعل المتابعين للسلسله و الي لعبو كل اجزائها هيعجبهم التغير بتاعت Kratos و هيوافقو عليه ولا لأ , و كان رد الفعل اجابي  و ده بفضل قوه الـPS4 الي سمح ان اللعبه يكون فيها توسع اكتر و حاجات احسن من قبل كده.

لما اتسأل Cory Barlog عن التغير الحاد في نغمه و وتريه اللعبه و اتجاهها للأهتمام بالقصه , قال ان اللاعبين حاليا  بيهتموا بالقصص العميقه الي مش مجرد فيها تسلسل احداث بيديك الاجابات بطريقه مباشره , بل انك تتعمق و تدور عشان تكتشف الحبكه و متبقاش صريحه بيبقي فيها نوع من التشويق , و ميقدرش ينكر ان The Last Of Us من شركه Naughty Dog حفرت للطريق ده و يمكن شجعتهم, لكن هو عايز التجربه في God Of War تقرب من الشعور الي حصل للاعبين لما اتنقلو من Resident Evil 3 لـResident Evil 4 و هم مستعدين لتغير جذري , و في اخر المقابله لمح Cory Barlog علي ميزه كويسه جداً لما اتسأل عن احتماليه وجود لقطات من الالعاب القديمه مصممة من جديد بالمحرك الجديد , فقال طبعا في احتمال ان يكون في حاجات من دي علي حسب احتياج اللعبه ليها خاصه ان اللعبه ادائها كويس بالكاميرا الجديده و المحرك الجديد.

لعبه God Of War ما زالت بدون عنوان رسمي او حتي رقمي ليها و بدون معاد اصدار لكن هي تحت التطوير بشكل حصري للـPS4