تفاصيل عن تحديث The Division الضخم الخاص بشهر أبريل

Massive Entertainment مطوري The Division نشروا تفاصيل عن تحديث The Division القادم, التحديث هيبقى مجاني وضخم جدا, وهيقدم أول Incursion.

الـIncursion هيبقى اسمها Falcon Lost, ديه هتبقى أول مهمة خاصة بالـEnd-game وببساطة  ديه عبارة عن الـRaids الخاصة بـThe Division. ديه هتبقى حاجة على مستوى عالي جدا من صعوبة وهتتحدى اللاعبين جدا وهتطلب عمل جماعي ومنظم عشان الفريق يبقى عنده فرصة في التغلب عليها. ممكن تستخدم Matchmaking لو عايز تبحث عن ناس تشاركك, و أول ما الفريق بيجتمع, بعدها علطول بيبقى مفيش أي Checkpoints. ده معناه إن لو الفريق كله مات, هتعيد من الأول.

لازم تبقى Level 30+ عشان تقدر إنك تتغلب على المهمة ديه. هيبقى في مستوى من الصعوبة أعلى و المطورين بينصحوا انه يبقى للاعبين اللي جمعوا Gear sets اللي هتنزل في تحديث ده.

Sets جديدة هيتم تقديمها في اللعبة, و لما تجمع مجموعة متوافقة مع بعض هتفتح Talents معينة. معظم الـSets ديه موجودة في Falcon Lost, ولكن ممكن تجيبهم بطرق تانية (في قطعة مش موجودة في Falcon Lost أصلا) الأربع مجموعات اسمهم Sentry’s Call, Striker’s Battle Gear, Technician’s Authority, و Path of the Nomad وديه موجودة في Dark Zone.

في جائزة أسبوعية كل أسبوع للي هيخلص الـIncursion, و ممكن إنك تعيد الـIncursion كذا مرة عشان تحصل على جوائز اخرى. ولكن الجائزة الأسبوعية ديه هتاخدها مرة واحدة فقط بعد ما تخلص الـIncursion خلال كل أسبوع.

التبادل/Trading اخيرا هيبقى متاح في التحديث ده. بدل ما يبقى في زي قائمة تبادل, كل اللي عليك إنك تعمله هو إنك توقع القطعة اللي معاك, وده هيسمح للاعب التاني في Group انه ياخدها. لو أنت في Dark Zone لازم توقعها في أي بوابة من بوابات الـDark Zone. للأسف عشان تقدر تدي حاجة لحد لازم كان يكون معاك لما أنت اخدتها, و زي Diablo III, في عداد: هيبقى في ساعتين عشان تنقل الحاجة ديه من بعد ما إنت اخدتها.

حاجة كمان مهمة, هي إن أي حد في Group ممكن ياخد الحاجة اللي إنت هتوقعها. ده معناه إنك لو مع واحد صاحبك و اتنين متعرفهمش, لازم تبقى حريص جدا لما تنقل حاجة لصاحبك.

حاجة جديدة كمان هي Spectator Camera و Assignments وديه زي مهمات اسبوعية و يومية بتاخد في مقابلها Phoenix Credits. و حاجة جديدة هي Supply Drops; وديه بتنزل في Dark Zone و بتبقى محمية من أعداء قوية جدا. أول لاعب أو Group هيحصلوا عليها هياخدوا جائزة على عكس أي حاجة في Dark Zone, اللي هتحصل عليه من Supply Drop مش لازم يتعمله Extract.

التحديث ده هينزل ببلاش في 12 ابريل القادم. و تم الاعلان عن تحديث مجاني اسمه Conflict هيقدم Incursion في Columbus Circle في المستقبل القريب.