الجزء القادم من Dying Light ممكن ما يشتغلش على PS4 و Xbox One

Techland مطوري Dying Light مش متأكدين إذا كان الجزء القادم هيقدروا يشغلوا على PS4 و Xbox One.

Techland بتتمتع بنجاح عالي جدا حاليا, اللعبة باعت أكتر من 5 مليون نسخة. وطبيعي جدا إن يبقى في أفكار عن الجزء التاني حاليا.

Techland يبدو كده انهم طموحين جدا مع اللي عايزين يعملوا في الجزء القادم. منتج اللعبة Tymon Smektala قال لـ Videogamer إن لسة بدري جدا عشان يقدر يتكلم على إيه اللي ممكن وإيه اللي مش ممكن.

احنا عندنا أفكار طموحة جدا ولكن أول حاجة لازم نتأكد إذا كان الأفكار ديه ينفع تشتغل على تكنولوجية الجيل الحالي ولا لأ. ولازم نتأكد إذا كانت افكارنا كويسة زي ما احنا شايفنها كده, لازم نجرب الحاجات ديه الاول.

مفيش حاجة حاليا نقدر نتكلم عنها, وعلى جانب آخر احنا عندنا حاجات كتير جدا داخل الستوديو بنختبرها, وبنعمل عليها تجارب.

Smektala قال إن على الرغم من كل ده, الستوديو عنده فاكرة واضحة جدا إيه اللي عايزين يعملوا مع اللعبة ديه.