Khalid Ahmedلعبة Final Fantasy XV ممكن تكون من الالعاب اللي ليها دعم من تحديثات بمستوي جيد و مع الاعلان عن تحديث تشغيل اللعبة علي اداء اعلي علي الـPlaystation 4 Pro المخرج Hajime Tabata اكد علي تحديثات اكتر لجانب الجيمبلاي.
يوم 21 فبراير القادم اللعبة هيكون ليها تحديث لتعديل الفصل الثالث عشر المنتقد بشدة و كان في وعود من شهر نوفمبر باصدار التحديث, التصليحات هتركز علي حل مشكلة بطئ التقدم في احداث الفصل و رفع قوة سلاحك الاساسي.
لكن دا مش التحديث الوحيد علي جيمبلاي اللعبة, Hajime Tabata اكد علي ان في تحديث للـRegalia السيارة الاساسية في اللعبة و انها تقدر تتحرك خارج الطرق الممهدة و من الممكن يكون دا رد علي واحدة من الانتقادات اللي وجهت للعبة.
عموما في بث مباشر كان فيه الاعلان كل التفاصيل دي لكن كان بالياباني لكن في الدقيقة 50 تقريبا من الممكن تشوفو التحديث الخاص بالـRegalia.
Yousef ElAdawy
