استعراض لنوع جديد من السحر في Final Fantasy XV اسمه Death Magic

Square Enix تزيل الستارة عن قوة جديدة من السحر نقدر نستغلها في لعبة Final Fantasy 15 و كان من خلال فيديو اطلقته في فاعليات TwitchCon 16 و ظهر في الفيديو بطل اللعبة هيكون لابس خاتم يقدر من خلالة يعمل سحر قاتل ضد الوحوش في اللعبة و الخاتم دة بيقوم بشفط قوة الوحش الي بتوجه السحر ضدة و بنلاقي ان الوحوش حجمها بيصغر لدرجة عدم الرؤية و بعدين تنفجر ومن الواضح ان الخاتم دة هيكون من افضل الادوات الي هنقوم باستخدامها في اللعبة و كمان قالوا ان قوة الخاتم هتختلف من وحش لوحش دة بيرجع علي حسب قوة و حجم الوحش الي بتوجه السحر علية و شفنا في الفيديو انة كان بيستخدمها ضد وحوش عملاقة فكانت بتاخد وقت اطول و دة بيرجع للقوة الجسمانية للوحوش .

و كمان الفيديو كان بيعرض اللعبة من خلال الـXbox One و دة يخلي كل ملاك الجهاز يطمنوا جدا علي مستوى اللعبة علي الجهاز و ان مفيهاش مشاكل و كمان اللعبة ظهرت بشكل مبهر في الجرافيكس برغم انها هتكون شغال بشكل ديناميكي علي 900p الي 800p و دة بمعنى اصح ان في بعض المناطق هتكون اعلى من مناطق تانية علي حسب التفاصيل و الشغل الي موجود فيها  .

لعبة FFXV هيتم اصدارها علي اجهزة Xbox one و PS4 و لسة مش معروف لحد دلوقتي هل هيكون في امكانية اصدارها علي الحاسب الشخصي ولا لا , و اللعبة من المفترض انها هيتم اصدارها يوم 29 نوفمبر و لو عايز تشوف الفيديو و تتعرف عي قوة الخاتم اختر تقدر تشوفة تحت ز