تأجيل Gran Turismo Sport

Polyphony Digital كشفوا النهاردة إن Gran Turismo Sport تم تأجيلها.

Kazunori Yamauchi مخرج اللعبة و رئيس الستوديو كشف إن سبب التأجيل هو إن ده أكتر مشروع طموح هم اشتغلوا عليه, وتوقعات الجماهير و فريق التطوير عالية جدا.

منذ بداية تطوير اللعبة والمشروع ده أصبح واحد من أكتر الحاجات الطموحة اللي احنا اشتغلنا عليها, عن طريق استخدام أحدث تكنولوجيا, زي physics-based rendering و Sound simulations, و Scapes Photo Mode. بدمج كل ده مع Sport mode جديد, احنا بنقدم لعبة بتجربة تنافسية جدا عشان نعيد اختراع معنى لعب السباق.

احنا دايما كنا سعيدين و شكورين لردود افعالكم كل ما نشارك Gameplay جديد معاكم.

ولكن حاليا واحنا بنقرب من موعد اصدار اللعبة في نوفمبر, اكتشفنا إن احنا محتاجين وقت أكتر عشان نخلي GT Sport ممتازة, احنا بنعمل مجهود ضخم جدا من ساعة الاعلان عن اللعبة. مش عايزين إن احنا نوصل لحل وسط أو نقلل من حاجة في اللعبة ونخسر من التجربة بـ أي شكل. حاليا احنا منقدرش نأكد على موعد اصدار نهائي, احنا ملزمين إننا نقدم أفضل جزء في تاريخ سلسلة Gran Turismo.

اللعبة هتنزل في 2017.