تفاصيل جديدة عن اضافة The Old Hunters للعبة Bloodborne و مستقبل الاضافات الجديدة

في معرض Tokyo Game Show 2015 كان تم الاعلان عن اول اضافة للعبة Bloodbrone و هي The Old Hunters و من خلال مقابلة مع Euro gamer مدير ستيديوهات Sony Japan وضح تفاصيل عن الاضافة بأنها عبارة عن اضافتين في اضافة واحدة كان مخطط اصدارهم بشكل منفصل و قرار ضمهم في اضافة واحدة كان ناتج عن رغبة في تطوير محتوي غني لمحبي اللعبة.

و أكد ان مفيش اي خطة في الوقت الحالي لتطوير اضافات جديدة و The Old Hunters احتمال تكون الاضافة او التوسعة الوحيدة للعبة.

The Old Hunters المفروض هيكون فيها اسلحة جديدة و اماكن اضافية للعبة بالاضافة لـBoss Fights جديدة برضو في منهم اعادة تقديم لبعض الـBoss fights القديمة بس باضافات جديدة و تم التأكيد علي ان الناس هتشوف ابطال قدام من مدينة Yharnam.

الاضافة هتنزل يوم 24 نوفمبر و هيكون في نسخة علي اسطوانات و معاها اللعبة الاساسية هتنزل يوم 3 ديسمبر.