Yousef ElAdawyحاليا جماهير Resident Evil مشغولين بـTeaser Demo اللي نزل للجزء السابع و عمالين يدوروا على حل لـ لغز صباع المانيكان و إيه استخدام الفأس, واحد من مستخدمي Reddit بـ اسم zisforzombiez ممكن يبقى كشف عن دليل خاص بـResident Evil 2 Remake.
خلال مشهد الـVHS في Demo, بيظهر حاجة زي Title Card كده فيها ارقام كتير و عنوان الفيديو وهكذا. بعد تحقيق من zisforzombiez, كشف إن 00551-90009 و ده الرقم اللي في Title Card هو نفس الـProduct ID الخاص بـResident Evil: Director’s Cut على PSX, النسخة اللي كانت متوفرة مع demo من الجزء التاني اللي كان لسة منزلش ساعتها.
الكلام ده منطقي جدا, لأن ده ممكن يبقى محاولة من Capcom إنها تسلي جماهير اللعبة بسبب الأتجاه الجديد اللي بتتخذه السلسلة حاليا. و أيضًا بسبب قد إيه الـDemo مليان ألغاز, فظهور الرقم ده مش صدفة أو شيء عشوائي! ولكن هنشوف خلال الايام القادمة وبالذات Tokyo Game Show أو Gamescom.
Resident Evil VII هتنزل يوم 24 يناير, 2017.
Mohamed Ibrahim
