سوني هترفض لعب PlayStation VR اللي تحت 60fps

Chris Norden كبير مهندسي الدعم في SCEA أكد اهمية الـframerate على PlayStation VR.

خلال الحديث عن PlayStation VR في GDC, المهندس Chris Norden أكد اهمية Frame rate للمطورين اللي بيفكروا انهم يطوروا لعب على الجهاز.

Frame rate مهم جدا; مينفعش تنزل عن 60fps أبدًا. لو قدمت لعبة و بتنزل لـ55 أو 51 … احنا بنسبة كبيرة هنرفضها. أنا عارف إن هيتم مهاجمتي على كده, ولكن مفيش عذر نهائيا على عدم الوصول للـFrame Rate ده.

الموضوع صعب جدا, وأنا مش هكدب و اقول انه سهل قوي .. موضوع صعب جدا. ولكن 60hz هو اقل حاجة احنا هنقبلها.

Sony هتطلق خدمة دعم للمطورين بهدف تقديم رأي عن تقنية اللعبة.

Norden قال انهم مش هيعملوا Beta test للعبة مثلا أو حاجة زي كده, ولكن هيقدموا تقرير زي عندك مشكلة هنا و خلي بالك Frame rate هنا بيقل.

PlayStation VR هينزل في أكتوبر القادم.