هي Deep Down راحت فين؟

من سنة بظبط كان نزل آخر تحديث عن Deep Down, التحديث ده كان عبارة عن صور جديدة للعبة نزلت على الموقع الرسمي.

وبعد كده Capcom في عرض لألعاب الـOnline الخاصة بالشركة عرضت فيه شوية من Deep Down.

في 2014, كان دايما في وعود من Capcom عن فتح البيتا اليابانية الخاصة باللعبة, وبعد كده تم تأجيلها. و بعد كده ظهر اعتذارات كتير من فريق تطوير اللعبة.

في فبراير السابق, Yoshinori Ono منتج اللعبة قال إن Dragon’s Dogma Online هتنزل قبل Deep Down, ولمح إن في 2015 هنشوف حاجة ضخمة خاصة بـDeep Down … دلوقتي Dragon’s Dogma Online متوفرة في اليابان بقالها كام شهر, و 2015 هتخلص بعد ساعات, وحتى الآن مفيش كلام عن اللعبة.

بعد كده في فبراير 2015, تم التأكيد إن اللعبة لم يتم الغاءها, ولكن هتاخد وقت أكتر في تطويرها, و ده بسبب إن الفكرة الأساسية الخاصة باللعبة مش شغالة, و هيتم تحويلها لحاجة مختلفة واضخم.

في مارس, Teruyuki Miyashita مدير Division 2 قال إن Capcom هتدعم اللعبة وعمرها لمدة 10 سنين, و ده كان آخر حاجة رسمية من مصدر خاص بالناشر.

من كام يوم, الموقع الياباني 4Gamer نشر مقالة, في مقالة ديه في كذا مطور اتكلم عن خططه لـ2016.

متنجي اللعبة Yoshinori Ono و Kazunori Sugiura و Miyashita-san كانوا موجودين في مقالة ديه. الثلاثة مطورين كانوا هم مصدر الأخبار الرسمية لـDeep Down في معظم الوقت. للأسف ولا واحد منهم جاب سيرة اللعبة.

Yoshinori Ono تحدث عن Street Fighter V.
Kazunori Sugiura تحدث عن Hunter Frontier G, Monster Hunter Explorer, Breath of Fire 6 و Dragon’s Dogma Online.
Miyashita-san, ركز على نفس اللعب برضه. و مكنش في حتى تلميح عن Deep Down.

دلوقتي في احتمالين:

واحد إن اللعبة تم الغاءها بسبب إن Capcom شافت إن العبء ديه طموحة بزيادة و قامت بألغاء المشروع بالكامل من أجل لعبة اسهل و هتعمل فلوس أكتر زي Dragon’s Dogma Online.

الأحتمال التاني إن اللعبة لسة تحت التطوير ولكن بيتم تطويرها مع تطوير Panta Rhei و هو الـEngine الجديد الخاص بـCapcom من أجل الجيل الحالي, و ده طبعا ممكن يبقى سبب كبير انه يبطئ من عملية تطوير اللعبة, لأن عملية تطوير Engine كامل بتاخد وقت كبير جدا عشان توصل لمرحلة مستقرة. مثال على كده الـEngine الخاص بـFinal Fantasy 15 لسة تحت التطوير مع اللعبة و ده من أسباب إن FFXV تبقى متأخرة بالشكل الحالي ده, و من أسباب إن Square Enix تنقل تطوير Kingdom Hearts 3 إلى Unreal Engine 4, و استخدام UE4 في الـRemake الخاص بـFinal Fantasy 7.

هل من الممكن إن احنا نشوف اللعبة في 2016؟