The Witcher 3 شغالة على 1080p/30fps على PS4, و 900p/30fps على Xbox One ولكن

The Witcher 3 هتشتغل على 1080p/30fps على PS4, و 900p/30fps على Xbox One ولكن الارقام ديه مش نهائية وممكن تعلى على Xbox One.

حسب مطوري اللعبة CD Projekt RED, أكدوا لـEuro Gamer ان اللعبة شغالة 1080p/30fps على PS4, و 900p/30fps على Xbox One.

وفي المقابلة مع John Mamais المنتج التنفيذي لـThe Witcher 3, وضح إن اللعبة كانت شغالة على Xbox One في المؤتمر بتاع Microsoft في E3.
و اللعبة كمان كانت شغالة على 1600x900p على 30fps وكل الكان بيحصل ده كان على Xbox One مش Nvidia GTX Titan.

وحسب Mamais فـهما لسة في مرحلة الـOptimizing للعبة على Xbox One و PS4 و المفروض نظريا ان  اللعبة في وقت اصدارها هتبقى شكلها أحلى من اللي احنا شوفناه في E3. وانهم برضه لسة في مرحلة الـOptimizing على PC, وإن محرك اللعبة هو Cross Platform, فـبالتلي أي Optimizing Process بتحصل على جهاز بتنقل علطول للجهاز التاني عشان يتم تسريع العملية.

أما عن PlayStation 4 فـمصادر من داخل Sony زي Shinobi قالوا إن The Witcher 3 بتركز على إنها تشغل اللعبة على 1080p/30fps على PS4 و Xbox One, وساعة الكلام ده كان في إشاعات إن اللعبة كانت شغالة على 720p على الجهازين.

ولو اشاعة إن اللعبة في الوقت ده كانت شغالة فعلا على 720p فده يأكد إن CD Projekt RED شغالين بكامل قوتهم عشان يرفعوا اللعبة لـ1080p على PlayStation 4, ولكن PlayStation 4 مش تركيزهم الوحيد انه يشتغل على نفس الـResolution ديه.

لأن حسب كلام Mamais فان اللعبة شغالة على 900p ومفيش أي مشاكل, ولكن هم عايزين اللعبة تشتغل على 1080p على Xbox One وده هدفهم. ومهما كان هم يقدروا يعملوا كده أو لأ. فهما لازم يعسروا امكانيات الجهاز كلها عشان يشغلوا اللعبة على اللي هم عايزينه.

و كمل وقال “Microsoft و Sony بيقولوا إن 900p هي مكان كويس, ومفيش فرق بصري كبير ما بين 900p و 1080p, ولكن الموضوع ده موضوع سخن واحنا هدفنا إن نشغل اللعبة على 1080p على الجهازين”.

وواحد من المشاكل إن The Witcher 3 مش هتستخدم حوار الـ10% بتاع التحديث الأخير للمطورين, وده بسبب إن The Witcher 3 بتستخدم Kinect Voice Commands و ده عشان يخلي اللاعب يقول Magic Spells وكده عشان يفضل مستريح وهو بيلعب. ودة امر بيسهل على اللاعب انه يركز على المعركة اللي هو فيها أكتر.

والفريق للاسف مش هيقدر يستخدم الـ10% دول, ولكن اللعبة بتستخدم التعريف الصوتي بتاع Kinect بس وديه نقطة ممكن تبقى في صالح CD Projekt RED, وكمان إن اللعبة في مرحلة تطوير ضخمة حاليا فـده يعني إن ممكن أي حاجة تحصل.

و Mamais قال ان التطوير على Xbox One اسهل ليهم لانهم مطورين PC,وعشان كده أي حاجة بيعملوها على PC بتبقى شغالة على Direct X 11. و Xbox شغال على أساس Direct X. وعشان كده التطوير اسهل بالنسبة ليهم على Xbox. ولكن إن PS4 يوصل لـ1080p ده اسهل شوية من Xbox One.

واللعبة لسة في شغل كتير عليها, وان تركيز الستوديو إن PS4 و Xbox One يشغلوا  اللعبة على الـHigh Settings بتاعت الـPC. والعندهم جهاز High End خارق يقدروا طبعا يشغلوا اللعبة على Ultra.

The Witcher 3 هتنزل على PS4, Xbox One, و PC في 24 فبراير 2015.